((( العريس المعجباني ))) شاعر العروبة : فهد بن عبدالله الصويغ - اليتيم

((( العريس المعجباني )))



تعالي يابت إنت عجباني
قوليلي إسمك كده تاني
أصلي واد حر ومعجباني
وقولي لأبوكي يستناني
خلاص حكلمه وخطبك منه
قوليلوا عسكري قد سنه
بيحمي بلدنا ويفديه بدمه
روحه علی كفه ولا يهمه
حجيبلك شبكيتك تراب دهب
وحفرش شقتك بقطن عجب
وأسعدك بعد ماالكتاب ينكتب
وحيحضر فرحنا كل الرتب
ونغني لفرحنا طول الليل
أغاني حب ومواويل
ونحي ضيوفنا بكلام جميل
وتمشي زفتنا جمب النيل
ومن عنب بلدي حجبلك عنقود
ومن فيروزها أعملك عقود
وولاد حتتنا كمان شهود
وقليوله مصري بيصون العهود
وخلي شقتنا قدام الهرم
شبكها بحري وفوقيه علم
يرفرف علينا ينسينا الألم
يزود فرحتنا بأم الأمم
قولي لأبوكي معدنا الخميس
قوليلوا يابا جالي عريس
حيهنيني وينسيني الكوابيس
واعيش وياه وأخلف عتريس
طيري من الفرحه وإستنيني
وقولي هو داه اللي حيهنيني
وماتنسيش إني حاحطك بعيني
واقفل عليك عمري وسنيني



fahad alsuwaigh
7-10-2014