((( أغراب ))) شاعر العروبة : فهد بن عبدالله الصويغ - اليتيم

((( أغراب )))


غريب وبين الناس غريب
لا قريب ولا ليا حبيب
تايه في دنيتي ...
أغسل همومي بدمعتي
الفرح بأيامي قليل
والعذاب ليله طويل
ظلم الناس جرحني
كسر خطويتي دبحني
عايش وحيد مستني
وغيري بالفرح متهني
الدنيا مالهاش أمان
خدت مني الزمان
بقيت فيها غريب
وحكمها عليا عجيب
بتدي اللي مش عايز
ومحتاجها بيبقی عاجز
غرورة ودنيا كدابه
صحابها هما ديابه
بتديهم بالطول والعرض
وإحنا عايشين للعرض
بتتفرج علينا سنين
شيفانا وإحنا تايهين
لا مدت لينا يوم إيديها
ولا دمعت علينا عينيها
لا غطت في يوم عريان
ولا شبعت يوم جيعان
سكتها مش سكتنا
ولا ضحكتها ضحكتنا
أغراب وعايشين فيها
خدت عمرنا ولسه بنديها
مش كفايه عمايلها معانا
لسه بتكسر جوانا
لا يوم صعبنا عليها
لا يوم رقت عينيها


fahad alsuwaigh
6-10-2014