((( إنت السبب في الغلاء ))) شاعر العروبة : فهد بن عبدالله الصويغ - اليتيم

((( إنت السبب في الغلاء )))



جالس بتبكي وعيونك علی خدك
جالس بتنعي همومك علی يدك
بتبكي ليه ماهو إنت السبب...
لو عرفت السبب يروح العجب
إحسب معايا وشوف فين خطاك
بتقول غلا وإنت سبب الغلا
تركت الإنتاج وبتقول غلا
فين الأراضي اللي كنت تزرعها
فين المراعي اللي كنت تشجعها
فين المواشي اللي تهتم بيها
فين الدواجن اللي كنت تربيها
سبت أرضك ليه من الأول
خدعوك بحضارة كدابه بتحول
جريت للطمع والفشخرة الكدابه
جريت وری دنيا نصابه
من بره هالله هالله
من جوه يعلم الله
النتيجة جالس بتبكي قدامي
تشكي الغلا وإنت الجاني
إرجع لأرضك إرجع لزرعك
إرجع لذراعك إرجع لعقلك
إزرع وأستغني عن الشجع
إزرع وكافح خليك جدع
طلع الخير من أرضك
إحميها دي زي عرضك
إزرع فيها اللي يعزك
إزرع فيها من قلبك
رجع القن لمكانه الصحيح
حط الفراخ فيه يستريح
إرجع كبر الحظاير اللي صغرتها
وإهدم المقاهي اللي كبرتها
إرجع لطبيعتك إرجع لبيتك
إرجع لأرضك إرجع لغيطك
ساعتها دموعك حتبقی فرح
الغلا حيروح وقلبك ينشرح
حتاكل من خيرك وخير أرضك
وتبيع لغيرك من فضل ربك
إسمع كلامي قوم إرجع
لبلدك وغيطك إبدء إزرع
خلي الغلا عنك وعنا يزول
يالله قوام نزرع قمح وفول
نزرع أكلنا ونزرع غلتنا
نزرع فخرنا نرجع قوتنا
نرجع المواشي من غربتها
والداجن اللي بطلنا تربيتها
نرجع ساعتها لهدوء دنيتنا
زراعه وصناعة بس إحتياجتنا
كل الغلا إنت السبب فيه
إرجع لأرضك القطن راح تلاقيه



fahad alsuwaigh
16-9-2014