(((( كله كدب )))) فهد بن عبدالله الصويغ - اليتيم

(((( كله كدب ))))


كله كدب كله غش
كل ذهبكم طلع قش
إضحكلهم يخونوك...
تفرحلهم يلاعبوك
ماعدش فيه أمان
إتغير أوي الزمان
كله كدب وخداع
كله غش وصراع
تعبت منهم
أنا تعبت
بطلت حبهم
أنا بطلت
حنسی كلامهم
حنسی سلامهم
حرجع لدنيتي
حرجع لغرفتي
حقفل بابي عليا
حودع الدنيا ديا
حعيد تاني وحدتي
حرجع لنفس دنيتي
لا عايز أسمع صوت
ولا كلمة حيا وموت
عايز أعيش وحداني
عايز ارجع زماني
ويا النجوم كنت طاير
فوق السحاب كنت ساير
متهني بقلبي لحالي
عايش ويا أمالي
لا كنت للدنيا هدف
ولا كانت ليا أسف
عايش زي الطير بجنتي
عايش سعيد بغرفتي
حقفل عليا تاني الباب
لا عايز صحبه ولا أصحاب
حتی الشعر حسيبه
لحد مايجي نصيبه
ويجي ناس بتقدره
بعد موتي يتأثروا
كرهت دنيتكم الكدابة
كرهت أيامكم اللعابة
كرهت مسلسلات الضياع
كرهت أفلام الضباع
كرهت أخبار الكراسي
كرهت القتل للماشي
كرهت رمل أرضكم
كرهت حتی إسمكم
أنا مش حودع زيكم
خسارة كلامي في دمكم


fahad alsuwaigh
20-8-2014