قصيدة : ((( محـــــــــــــــــــــــــــــــــــــــتار ))) شاعر العروبة : فهد بن عبدالله الصويغ - اليتيم

بقلم شاعر العروبة : فهد بن عبدالله الصويغ


((( محــــتـار )))

بعد ماتمنيتها
تعبتني بغيرتها
بتشك من سرحاني فيها
غيورة من نظرتي ليها
ياويلي لو ماسلمت
أو عديت ماتكلمت
تزعل ويتغير مودها
وتمد على طول بوزها
تتعبني عشان أصالحها
تهجرني وتقول جارحها
حرام الظلم ياناس
هو مافيش إحساس
تعبان شقيان يوماتي
والعتاب بقـــى ليــلاتي
مش عايزة دهب والماس
ولا قصــــر عليــــه حراس
عايزاني أبقى معاها
أنا عارف إني هــواها
بس الحياة عايزة عمل
ولا حتبـقى حياتنا ملل
طب أعمـل أيــه قـــولولي
دي عايزاني للورد خولي
عايزاني معاها ليل نهار
أفضل أكتب ليها أشعار
لو إتكلمت أكلمها هيه
لو سألت أســـأل بحنيه
والورد عايـــزاه هـديـة
وأغاني ســومة حوالية
عايزاني أسمــع بــس أغاني
حـــــب يــوماتي مش عتقاني
ماشــــــية بتحـــــب علــى روحها
تغني رومانسي تنزل دموعها
مش عارف أعمل أيه ياخواتي
بقيت محتار من حــب حياتـي
عايزاني أشوف الدنيا بعيناه
والأكـل كـمان يكون بإدينها
شفولي حل أبوس إيديكم
أنا تعبان قـــدام عنيكم


Fahad alsuwaigh
3-5-2014