((( مصوراتي ... العرب ))) شاعر العروبة : فهد بن عبدالله الصويغ - اليتيم

((( مصوراتي )))


مصوراتي وصورتي طالعة ناقصة
ناقصة حبايبي متجمعين بالصورة
مصوراتي وصوري مش واضحة
عايز أصورها بعين مش عورة
عايز كادرها يكبر وتطلع صالحة
عشان ماتبقاش علينا محصورة
صورنا دايمآ لوحدينا تبقی كالحة
مالهاش لزمة علينا مقصورة
من بعدكم عنا نسينا الفرحة
وصورنا دايمآ براويزها مكسورة
ماتيجوا نتلم ونزور صابحة
عشان تطلع معانا بالصورة
بعدنا عن حبايبنا وعن رابحة
خلت صورتنا ناقصة ومزعورة
واللي متصورين عيونهم دايمآ سارحة
مش عايزين صورهم سايبنها مهجورة
إبتسامتهم كلها حزن ورايحة
في خلافات والصورة معذورة
تعالوا نتجمع بنفوس متصارحة
ساعتها تطلع الصورة محفورة
نتجمع ونبقی يد واحدة
مش كل واحد فينا بصورة



fahad alsuwaigh
4-10-2014