(((( زمن القناطر ..... كلمات شعرية ساخرة )))) شاعر العروبة : فهد بن عبدالله الصويغ - اليتيم

(((( زمن القناطر ..... قصيدة ساخرة ))))


الـــزمن داه مش زمـــــن الشجعان
رصاصة واحدة حتبقى في المليان
ماتعملش فيها عنتر...
لا تـــــــروح تتقـــنطر
خليك كده في حالك متهــني
الموت حوليك بيصفر مستني
ماتتدخلش في اللي مالك فيه
عداد عمرك أوعى تلعب بيه
عشان خاطري خد كبير يمشي معاك
السكة ظلمة والنور بيقطع وياك
فكر كويس قبل ماتتهور
حتبقى فين ساعة مانور
سيبك من الجهل اللي في دماغك
خد رأي إللــــي كان حاله من حالك
شغل دماغك لــــو كانــــــت يــــوم شغالة
ما تخليهاش تشتغل فاضية زي الغسالة
شاور كبير الناس تدلك عليه
مش كبير إجرام تسعـــى إليه
شوف الأغلبية عايزة دايمآ مين
حتى لو ضــدك روح إحلف اليمين
أمن بــــلدك أهــم من أفــكارك
ماتدخلش دماغك بجهل نارك
سيبك من اللي بيضحك عليك
سيـبك من اللــــي بيدوي ليك
خليك واد حنــــت ومفــــتح
بلاش تكون غربال مفتح
إسمع كلامي وروح شوف رزقك
خليك جـــدع إفهم بس شغلـك
ماتتعبش قلبي وخليك في حالك
كفاية بلاوي بدماغك اللي جيالك
حاول تكــــون يوم بنـــــي أدم
حاول مش حتخسر تكون سالم
دور على لقمــة عيشك بشــــرف
من غير ماتجيب لدماغك القرف
حاول يمكن ربنا يعدلهالك
بدل مابتشرب قوت عيالك
صحصح كدة وشعلل النافوخ
خليــــك راجـــــل زي الصاروخ
بالحق مش بالنصب والدجل
بنقول حلال يمكن تتعدل
تعبت وأنا دايمآ أنصح فيك
روح ياشــــيخ ربــنا يهديك
لو بكلم حيطة مايله زمانها أتعدلت
ربنا يصلحك وتكون دماغك إشتغلت



Fahad alsuwaigh
15-8-2014