((( حبك إنت ))) شاعر العروبة : فهد بن عبدالله الصويغ - اليتيم

((( حبك إنت )))



حبك انت غير الحب
شكل تاني مالوش قلب
مالوش لا طعم ولا لون...
كله أسيه كله جراح وظنون
مالكش في الحب وحلاوته
مالكش غير فظلمه وقساوته
ظلمت نفسي وحبيتك
بعت الدنيا وإشتريتك
بس ياخسارة طلعت منهم
بتخون وتغدر وعينيا فعينهم
واقفين قصادي وصعبت عليهم
فاكريني موافقه بأهديك إليهم
ما خفتش عليا زودت مأساتي
ذبحتني بإيديك قصدك تدميرحياتي
طعنتني فكرمتي خنت قلبي
سرقت فرحتي ضيعت حبي
ظلمك ليا مش راح أنساه
ولا يمكن يوم أعيش جواه
خليك بظلمك وحداني
تخون وتغدر يا أناني
حتعرف حبي وقساوتك
حتعرف قلبي وشقاوتك
بيك من غيرك راح أكون
حعيش أيامي يا مجنون
قلت حنسی ونسيت أيامك
نسيت غدرك وكدب كلامك
عايشه أيامي بدنيا جديدة
عايشة حياتي بفرحة سعيدة
عرفت الحب الحقيقي
بغيرك غيرت طريقي
لياليه بقت أفراح
القلب خلاص إرتاح
مش عايزه أشوف دموعك
ولا بيهمني كمان خضوعك
روح كمل حياتك بعيد
وإلعب عليها لعب جديد
سمعها كلامك المعسول
خليك معاهم علی طول
إكدب عليهم صدق كلامهم
عيش وياهم منتا منهم
وحياة الحب اللي حبيتهولك
لشربك كاسي وبإيدي أديهولك
وحياة الظلم اللي شفته معاك
من ردة فعلي حتعرف هواك
هو إنت لسه شوفت حاجة
روح ياشاطر لسه زيادة


fahad alsuwaigh
4-9-2014