قصيدة : ((( قول ياحبيبي قول ))) شاعر العروبة : فهد بن عبدالله الصويغ - اليتيم

((( قول ياحبيبي قول )))

بتعتبني وانت الغلطان
بتخصمني ومش ندمان
كل الحب عندك كدب
ماهو أنت ماتعرفش تحب
تغلط وانا أصالحك
تغضب وكأني جرحك
إنت اللي جرحت القلب
عمايلك هجر عمايلك غلب
ضحكتك بقت صفره ليه
كلامك بقی كده ليه
بتهجرني اكثر ما أشوفك
بتبعد كثير من كسوفك
بقيت بتكدب علی طول
بقيت بتسهر بقيت مشغول
لو كان حد في قلبك
حفرحلك عشان بيحبك
بس قولي بلاش خجل
ماتخفش عليا من الزعل
حفرح وقول ربنا يسعدك
يمكن تلاقي اللي يفرحك
ريح بالي وقولي حبيت
حبيت غيري إنك لقيت
ماتخبيش عليا وتظلم نفسك
خليك صريح أحلفك بخطرك
ماستهلش منك غدر
ماستهلش لحظة هجر
مش عايزني قول
بطلت تحبني قول
بس ماتسيبنيش علی جمر
ريحني رسيني علی أمر
بتحبني ولا نسيت
عايزني لا مليت
قول ياحبيبي قول
ريحني قلبي مشغول

fahad alsuwaigh
3-8-2014