قصيدة : ((( جدة عشقي الأول ))) شاعر العروبة : فهد بن عبد الله الصويغ - اليتيم

((( جدة عشقي الأول )))

جدة معبر للمدينة ومكه
ألفين عام وشوية فكه
مشي عليك أعظم نبي
في هجرته له مذهبي
جدة برواشينك وحواريك
أحبك بكل مافيك
أحب حيطانك وأبوابك القديمة
أحب فوانيسك ودهاليزك العظيمة
أعشق المش بية فوق الروشان
أعشق الدورق جنب الدرجان
أحب أشجار الموز والحلوي
اللوز الحجازي واللوز البجلي
وحبحبوه الحجة وملعقة الحمر
ويغمش اليماني بعض الظهر
ياعيني علی الكرويته وقعدتها
والا الأتاريك جنب عمدتها
وصحن السليق وقت العزايم
تجري الجيعان تصحي النايم
يا سلام لو شفت أولاد حارتنا
بلبس السديري تحته حزام دي حبكتنا
ولا الستات كيف كانوا يخفوا ضحكتهم
أدب وحيا وذوق مانسمع صوت مشيتهم
ولا حواريك كيف كانت ياجده
رخی وجود للفقير وقت الشده
لمتنا كانت غير صحيح ياجده
جمعتنا وقت العصاري تحرك المعدة
شاهي وحليب وفصفص نتسلی
بلعب الدومنوا كنا نتغلی
ياما أتسلقنا شجر اللوز الهندي
نقطف ونوزع واللي عندك عندي
ياما ببحرك سبحنا وصيدنا سيجان
بحرك مليان خير تبارك الرحمن
وزرمباك وأبومقص وحريد أخضر
بلون قلبك ياجدة كنت الأشطر
فين أيام الحلاوة النارجين والسمسميه
فين أيام قهوة اللوز والشعيريه
فين السمك الناشف والصيادية
فين الهريسه والحلاوة البنيه
ماتلاقي اللي فات غير بجدة
وجمعة أهلك ولعب والكيرم بس بجدة
فين دكان عم سالم باشهاب
وعم صالح قفلنا عليه الباب
كانت طفولتنا حلوه وبريئه
كانت جميله كانت جريئه
ربي يحميك ربي يديمك
ربي يسعد أهلك بسنينك
ذكرياتي الجميلة كانت ماضي وحاضر
عروس الكون جدة أنا شاكر
جدة ياعشقي الأول والأخير
هواك بدمي عشقك غير

fahad alsuwaigh
27-7-2014