قصيدة عامية : ((( البنت العربية ))) الشاعر العربي : فهد بن عبدالله الصويغ

((( البنت العربية)))
البنت :
الراجل دا ياما عجبــــــني
جويزهولي خليه يخطبني
أنا دبت يامه في دباديبه
وحلفـــت خــــلاص ماحسيــبه
وغلاوتك يامه راح أجيـبه
وحيغيرلوا كمان نصيبه
=============
الأم :
يا بنتي إعقلي سيبــك منه
لا يعرف أبوكي يبعدك عنه

أبوكي راجل ما يحبـش  المياعه
ولا راح يقبل منك  كلام الخلاعه
إستهدي بالله وخلي الراجل في حالوا
يا يجينى برجليه ماليا عقله وبالوا
ياتنسيه ياحبيبتي يتغنـــدر بجمـــالوا
الحب مش إعجاب و لا كلمه وضحكه جيالوا
الحـــب بدايته جـــــواز وعشره وعمــــر بحالوا
وبيت وأسره وعيال مسئوليه لو مكتوبالوا
البنت :
يا مــــا كــل داه أنا عــرفاه
ومن غير شطاره أنا فهماه
سبينى بقى   أحكيلك  همي
وما تقوليش  يا بت  إتلـمي

كبرت ياما  وعدا  القطر
مكتوب عليا  دي  للحظر
خفي بقى علـــيا شـــويه
عايزه أتجوز دنا بهيه
قالوا علــــيا  الشعــر كله
غنوا مووايل العشق كله
تقلت عليهم من زمان ياما
معدى  القطر و فتني ياما
الأم :
إختشي يابت عيب الكلام داه
أبوكي كلامه مالوش معاوده
حاسه  بيك  يا ضي عنيا
لكن يا قلبي مش بئديا
سلـــــو بلـــــدنا هو اللي ماشي
من يوم جدودك  علينا ماشي
إرضي بنصيبك  والصبر الطيب
يرزقك ربــنا براجــــــل طيــــب
البنت :
حاضـــر ياما  حصـــــبر أهـــــوه
علشان خطرك  حسيبه أهوه
أدي ياخـــونا حالـــنا أهوه
قلنا إتكلمنا قدمكم أهوه
مين يقول كلمة حــق
مين يقـــول للظلم لاء


Fahad alsuwaigh
19-3-2014